fÓLK SEM ÉG MÆLI MEÐ

Bobbie Michelle er frábær burlesk-skemmtikraftur, og kann einnig að húlla og kenna fólk hvoru tveggja. Hún tekur að sér að koma fram í alls konar partýum og er líka frábær kennari fyrir gæsa- og steggjapartý. Hún kemur einnig fram í barnapartýum undir nafninu Húllumhæ Húllastelpan.

​

Veislustjórn, skemmtiatriði, barnaafmæli, gæsapartý

Kramhúsið á fjöldan allan af kennurum sem geta sett sig inn í hvaða dansstíl sem er hvort sem um er að ræða hópefli, gæsun, steggjun, afmæli eða partý. Bæði er hægt að panta kennara til að koma til ykkar eða að koma í Kramhúsið sem er hentuglega staðsett í Miðborginni og oft kallað G-blettur Miðbæjarins!

Ég mæli með þessum kennurum:
Nadia: Beyoncé, magadans, Hips Don't Lie, burlesk, Bollywood

Sólveig: Beyoncé og annað skvísó
Róberta: Burlesk, húlla
Sigga Ásgeirs: Beyoncé, sensual fusion, gelludansar ýmiskonar
Berglind: Spice Girls, Britney
Svanhvít: Burlesk

​

Dans, hópefli, gæsapartý, steggjapartý, vinahittingur

Burlesque er kynþokkafullur kabarettdans sem gengið hefur í endurnýjun lífdaga síðastliðin ár. Sífellt vinsælla er að fá burlesk- eða kabarettsýningu í partý og Dömur og herra hafa allt til að bera til að koma með glæsilegt sjóv í þitt partý. Best er að hafa samband við þau í gegnum Facebook.

​

Veislustjórn, skemmtiatriði, fullorðins

Jóhann Alfreð er æðislegur uppistandari og veislustjóri og er líka frábær pubquiz-stjórnandi. Mæli sérstaklega með Partý-pubquizi hjá honum.

​

Uppistand, veislustjórn, pubquiz

​Hún er ekki bara ógeðslega cúl, heldur líka æðislegur DJ.  Best er að hafa samband við hana í gegnum instagram.

​

DJ

Skemmtilegur plötusnúður sem les gólfið vel. Hentar breiðum hóp og aldri. 

 

DJ

Dragundrið Gógó Starr er algjör alhliðaskemmtikraftur. Frábær veislustjóri, á æðisleg skemmtiatriði og getur dragmálað gæs eða stegg. Gógó er líka plötusnúður og fyrirlesari, og hefur einnig tekið að ser að taka á móti fólki á árshátíðum í fordrykk eða hjálpa þeim að pósa í myndakössum. Bókaðu Gógó áður en Gógó slær í gegn í RuPaul's Drag Race!

​

Veislustjórn, skemmtiatriði, drag, pubquiz, DJ, gæsapartý.

Dan the Man er frábær skemmtikraftur. Hann getur kennt súludans í gæsa- og steggjapartýum, á brjálæðislega sexí blöðrudýraatriði, víkingasúludansatriði og einhjólastrippatriði! Einu sinni var hann bókaður í gæsun en súlan passaði ekki í stofuna, þá stillti hann henni upp úti og notaði bílljós sem kastara. Útsjónarsamur og skemmtilegur, já og sætur.

​

Skemmtiatriði, gæsapartý, kennsla, steggjapartý, fullorðins

Vice Versa er leggjalengsta lesbía landsins, og er gríðarlega fyndin, skemmtileg og orkumikil burlesk-dansmær. Hún getur komið í partýið, sýnt atriði og kennt nokkur spor. 

​

Skemmtiatriði, gæsapartý, heimakennsla

​Ég hef séð Mellí trylla dansgólf á Röntgen, Auto, Kiki, virðulegu kokkteilboði og brúðkaupi. Fjölbreytt, liðleg, sniðug og töff.​

DJ

Tvíburabróðir minn þegar kemur að dansgolfsstuði. Frábær plötusnúður sem getur komið með sínar eigin græjur. Einn besti brúðkaupssnúður landsins og þó viða væri leitað.

 

DJ

Ragnheiður Maísól er óborganlega fyndin og á fjölda atriða sem virkja veislugesti. Einnig á hún það til að taka með sér Hjössu, hina sjarmerandi kraftakonu. Maísól er liðtækur plötusnúður og menntaður trúður og getur haldið utan um æðisleg vinnustaðahópefli. 

​

Veislustjórn, skemmtiatriði, DJ, hópefli

​Sóðabrók er nýjasti burleskhópurinn í flórunni og er glæsilegur en einkar sóðalegur. Hentar ekki öllum partýum, en slær í gegn ef þau henta!

​

Veislustjórn, skemmtiatriði, fullorðins.

Lalli er einhvers konar skemmti-náttúruafl. Fyndnasti töframaður heims hvort sem um er að ræða fyrir börn eða fullorðna. Allt frá barnaafmælum til bingós, gæsana til árshátíða, Lárus getur allt. Frábært veislustjóri, skemmtikraftur, DJ, bingómeistari og pubquizstjóri. 

​

Veislustjórn, skemmtiatriði, DJ, bingó, pubquiz, töfrar, barnaafmæli

Sigrún Skaftadóttir er mjög fjölbreyttur plötusnúður. Lounge og house en líka klassískar árshátíðir og brúðkaup. 

​

DJ

Karítas er mjög fjölbreyttur plötusnúður sem hentar breiðum hópi. Hvort sem þú vilt cúl og töff í kokkteilboði eða fyrir fólk sem er í krísu og vill ríghalda í æskuna eða spila gólfyllitónlist í brúðkaupi eða árshátíð, þá er Karítas þín kona. 

 

DJ