​Á föstudögum og laugardögum get ég tekið við hópum í sérsniðna hópatíma í Kramhúsinu.

Klukkutíma danstími er mjög vinsæll í gæsa- og steggjapartýum, hópefli fyrirtækja, afmælum og óvissuferðum og eru skemmtileg leið til að hrista hópinn saman, bókstaflega.​ Ég get einnig komið til ykkar - í heimahús eða á vinnustað en það er dýrara en að koma í Kramhúsið.

​

Burlesque, Broadway, 

Beyoncé, Rocky Horror, Lizzo, Bollywood, klappstýrufjör, Tina Turner, magadans, Lady Gaga, Chicago, 1920s...

Þetta námskeið er fyrir þær sem hafa lokið í það minnsta einu burlesque-námskeiði í Kramhúsinu og langar að sýna. Námskeiðið hverfist utan um að búa til atriði. Námskeiðinu lýkur með sýningu. Athugið - því meira sem þú kemur með á námskeiðið i formi hugmynda, því meira færðu út úr því. Skráning er ekki hafin, en skráðu þig á póstlistann hér til hliðar til að fá hnipp þegar hún hefst. Uppselt er á námskeiðið sem hefst i september 2020 - skráðu þig á póstlistann hér til hliðar til að fá hnipp þegar skráning á næsta námskeið hefst.

Allar klisjurnar, jazz-hendurnar og einn söngleikur eða stíll tekinn fyrir í hverjum tíma. Óhuggulega gaman og það má koma í búning! Það er ekki Broadwaynámskeið á dagskrá núna í haust því ég er enn með svo lítið barn, en kannski eftir áramót.

Hleyptu þinni innri dívu út í vernduðu umhverfi. Burlesque er 

kynþokkafullur kabarettdans sem gengið hefur í endurnýjun lífdaga síðastliðin ár. Markmið námskeiðsins er að kveikja á þokkanum og baða sig í dýrðarljóma liðinnar tíðar. Sérstök áhersla á þessu námskeiði verður á hreyfingar og dansinn sjálfan. Uppselt er á námskeiðið sem hefst i september 2020 - skráðu þig á póstlistann hér til hliðar til að fá hnipp þegar skráning á næsta námskeið hefst.

Beyoncé-tímar í Kramhúsinu hafa heldur betur slegið í gegn en nú er kominn tími á að heilsa upp á aðra dívu, enga aðra en Lizzo. Tónlist Lizzo og dansspor eru uppfull af gleði, dívulátum, húmor og næringu!  Námskeiðið hentar fólki með engan og allskyns dansbakgrunn og er hugsað sem útrás við skemmtilega samtímatónlist.

Beyoncé-tímar í Kramhúsinu hafa heldur betur slegið í gegn og munu þessir tímar nota tónlist og spor í anda gyðjunnar. Aðrar samtímadívur fá að slæðast með. Námskeiðið hentar fólki með engan og allskyns dansbakgrunn og er hugsað sem útrás við skemmtilega samtímatónlist.